Tohir va Zuhra

O‘tgan zamonda, elu yurti omonda, anavi ko‘ringan to‘garning ortida, Samarqandning sirtida, O‘zjan yurtida Qoraxon va Sarixon deganlar o‘tdi. Qoraxon podshohlik qilib, Sarixon vazirlik qilib, ikkavi do‘st bo‘lib, bir-birining gapini yerda qoldirmay, hurmat-izzat bilan, katta davlat bilan, noz-ne‘mat bilan yashab, oshlarini oshab, ikkavi ham qirqdan qirq beshga qarab qadam qo‘yib qoldilar. Ammo bularning hech narsadan kami yo‘q bo‘lsa ham, dunyoda bir timoqqa zor edilar. Doston quyidagi satrlar ila boshlangan, va albatta , kitobxonlarga birdek yoqadi.