Mungli ko‘zlar
Xudoyberdi To'xtaboyev qalamiga mansub "Mungli ko'zlar" asari roman janrida yaratilgan. Asar ilk bora 1988- yilda e'lon qilindi hamda shu yilning o'zidayoq " Yosh gvardiya" nashriyotida chop etildi. Roman ikkinchi marotaba 1991- yilda "Kamalak" nashriyotida qayta chop etildi. Bu romanda mol-mulkka butunlay ixlosini qo'ygan ota-ona hamda ularning farzandlarining fojiali qismat egalariga aylanishi tasvirlangan. Xudoyberdi To'xtaboyev bu asari orqali bola ruhini parvarishlab, go'zal ishlov berish ham, uni tanazzulga olib borish ham ijtimoiy muhitdan ekanligiga ishora qiladi. Adib bola ma'naviyatini shakllantirishda adabiyotning qay darajada o'rni bor degan savolga shunday javob bergan edi:" Bolani nimaga o'rgatishimizdan qat'i nazar, xoh iqtisodda xoh kasb-hunarga bo'lsin, ma'naviyatni yoddan chiqarmasligimiz kerak. Eng avvalo, ma'naviyat masalasiga qayg'urish kerak. Ma'naviyatni shakllantirmay turib , iqtisodni shakllantirsangiz yo chayqovchi, yo olg'ir, yo birovning hisobiga boyuvchilar paydo bo'ladi".
| Kitob nomi: | Mungli ko‘zlar |
|---|---|
| Kitobning asl nomi: | Mungli ko‘zlar |
| Nashr qilingan til: | O'zbek |
| Kitobning asl tili: | O'zbek |
| Formati: | A5 |
| ISBN: | 978-9943-20-342-6 |
| Nashr yili: | 2017 |
| Nashriyotchi: | Yangi asr avlodi |
| Seriya: | 0 |
| Yosh chegarasi: | 7 dan 70 gacha |
