Islom iqtisodi. Global inqirozdan chiqish

"Imkonga qarab sarflamang, hojatga qarab sarflang" deydi ustozlarimiz. Islom iqtisodiyotining asos qismi shu qoida hisoblanadi.

1. Kelasi 2-3 oy iqtisod haqida kitoblar o'qimoqchiman. Kasbimga kerak bo'lgani uchun. Bu ilmga taalluqli bo'lgan kitoblarni Islom iqtisodiyotidan boshlay deb yuqoridagi kitobni boshladim.

2. Kitobga xulosa yozadigan bo'lsam, eng birinchi sudxo'rlik masalasi keng ko'lamda ko'rib chiqilgan. 2008-yilda bo'lgan moliyaviy inqirozni sabablari asosan kredit deb asoslab berilgan. O'quvchi oson tushunishi uchun misollar yordamida tushuntirib o'tilgan.

3. Aholi daromadlaridagi tengsizlikning o'ta kattaligi va sarmoya juda ozchilikning qo'lida ekaniga asosiy sabab foizdir. Ya'ni sudxo'rlikdir. Birlashgan millatlar tashkiloti hisobotlariga ko'ra, dunyodagi boyliklarning 45 foizi dunyo aholisining 1 foiziga tegishlidir(2018-yildagi ma'lumot).

4. Inflyasiya - narxlarning doimiy tarzda va katta miqdorda o'sib borishi, unga bog'liq ravishda pulning sotib olish kuchining kamayishidir, deb tariflanadi.

5. Islom iqtisodining uch qutbi bor. Birinchisida tijorat halol, ikkinchisida foiz harom, uchinchisida zakotning farz ekani yozilgan. Halol tijorat foizdan uzoq turishi va zakot orqali tozalab turilishi kerak. Muhimi ko'p topish emas, balki hisobini bera oladigan darajada topishdir.

Yana ko'p foydalar oldim lekin bu yerda yozish mavridi emas ekan.