Yozuvchi Grigoriy Petrov Yevropa bo‘ylab sayohat qilib, turli xalqlar hayotini o‘rganadi. Uning mashhur kitoblaridan biri “Oq nilufarlar yurtida” 600 yil mustamlakachilikda yashagan fin xalqining qanday oyoqqa turgani haqida hikoya qiladi. Yozuvchi 1900 yillarda Finlandiyaga qilgan sayohatlari davomida o‘zini anglayotgan, hayotini yaxshilashga urinayotgan finlar bilan suhbatda bo‘lgan. Uzoq yillar Shvetsiya va Rossiyaning qarami bo‘lgan Finlandiya 1917 yilda o‘z mustaqilligini e’lon qiladi. Kitobda shu davrgacha bo‘lgan hayot haqida so‘z boradi. Asarda odamlar hayotini yaxshilashga bel bog‘lagan qahramonlar va ular tutgan yo‘llar haqida bayon qilinadi.

«Moʼyna mantoli Madonna» turk romanida Birinchi jahon urishidan keyin - Ikkinchi jahon urushidan oldingi davrlarda yashagan qahramonlarning ehtirosli, achchiq muhabbati tasvirlanadi. 

Buyuk fransuz adibi Alber Kamyu qalamiga mansub bo'lgan “Vabo” romani  1947-yilda yozilgan. Asarda keltirilgan bu vaboning mazmuni Yevropaning natsizm va fashizmga qarshi kurashi. Asar shu haqida so'zlaydi. 

“Chol va dengiz” qissasida  kitobxon insonning ulugʻligi, undagi iroda va matonat, oqillik va azmu qaroridan ogʻishmaslik aks etganini ko'rishi mumkin.

Amerikaning taniqli yozuvchi va gumanist mutafakkiri Robin Sharmaning bestseller asarlaridan biri ''200 hayot darsi'' asari 3tilda yozilgan.

Chingiz Aytmatov '' Jamila'' asari insonni ulugʻlanishi, uning zahmatkashligi, yaratuvchanligini sharaflanishi bilan eʼtiborni tortadi. Asosiy qahramonlari oddiy odamlar bo'lib, ular: Jamila, Doniyor, Tanaboy, Bola, Moʻmin chol va boshqalar. Chingiz Aytmatov shu odamlarning turmush tarzini, hayotini  koʻrsatib, umuminsoniy, maʼnaviy-axloqiy qadriyatlar toʻgʻrisida soʻz yuritadi. 

Hurmatli kitobxonlar! Sizga Avstraliyaning mashhur yozuvchisi Markus Zusak (1975 yilda tug‘ilgan) qalamiga mansub "Kitob o‘g‘risi" romanini o‘zbek tilida armug‘on etmoqdamiz. Ushbu asar 2005 yilda yozilgan bo‘lsa ham, 2019 yilgacha 40 dan ortiq tilga tarjima qilingan va 16 000 000 dan ko‘p nusxada sotilgan. Faqat ingliz tilida chop etilgan tiraji 1 500 000 dan oshgan. "The New York Times Best Seller list" jurnalida 230 hafta davomida yuqori pog‘onalarni zabt etib turgan. «Amazon» internet do‘konida eng ko‘p sotilgan «TOP-30» kitoblar ro‘yxatida hozirgacha mavjud va asarni o‘qib chiqqanlarning 94% i internet va ijtimoiy tarmoqlarda ijobiy fikrlar qoldirishgan. Asar hayotiy voqealar asosida yozilgan va undagi voqealar II jahon urushi davrida Germaniyaning Myunxen shahridagi joylashgan Molking nomli kichik shaharchada bo‘lib o‘tadi. Asarning o‘qir davomida fashistlarning zulmidan nafaqat boshqa millat vakillari, balki nemis millatining o‘zi ham benihoya azob chekkkaniga guvoh bo‘lasiz. Asarga berilgan "Kitob o‘g‘risi" nomi majoziy nommi yoki haqiqatmi? Asarni hikoya qiluvchi adibmi, fashistlar zulmining jabrdiydasimi yoki Ajalmi? Gitler nega yahudiylarni millat sifatida yo‘q qilishga qaror qilgan? "Billur kecha" yoki "Vitrinalar sindirilgan kecha" nimani anglatadi? "Nyurnberg qonunlari "da nimalar ta’kidlangan? Lizel kim? U omadli qahramonmi yoki davr qurbonimi? Nega uni onasi boshqa oilaga berib yuboradi: nochorlikdanmi yoki shafqatsizlikdanmi? Xubermanlarning Lizelni o‘z oilasiga qabul qilishdan ko‘zlagan maqsadlari nima edi? Roza Xuberman asar boshida ko‘ringani kabi insonmi yoki aslida boshqachamidi? Hans Xuberman qanday shaxs va nega Lizel uni «dada» deyishga darrov rozi bo‘ladi? Lizel o‘zining haqiqiy onasini nimada ayblaydi? U haqmidi? Lizelning o‘rtog‘i Rudi kim va Lizelning hayotida qanday rol o‘ynaydi? Lizel nima uchun kitob o‘g‘irlaydi? Uning o‘zi bu o‘g‘irlikni qanday izohlaydi? Hans Xuberman nega yahudiy yigit - Maksni o‘z yerto‘lasiga yashiradi: insoniylik tufaylimi yoki bunga boshqa sabab bormidi? Roza Xuberman va Lizel bu yahudiy yigitga qanday munosabatda bo‘lishadi? Maks fashistlar ta’qibidan qutuladimi yoki u bilan birgalikda Xubermanlar oilasi ham gestaponing qo‘liga tushadimi? Ushbu savollarga asarni o‘qish davomida javob topasiz.

Ushbu asarda kommunizm iskanjasi qurboniga aylangan bir Uygʼur millatiga mansub musulmon oilasining qismati yoritilgan. Kommunizm niqobi ostida millatning, yoshlarning ongiga maʼnaviyat, madaniyat deb dinsizlik gʼoyalarning singdirilishi, xalqni oʼzligidan, milliy va diniy ildizlaridan judo qilish jarayonlari yorqin ifodalab berilgani ushbu kitob kitobxonni befarq qoldirmasligi tabiiy. Аsarda bir oila, uning aʼzolari boshidan oʼtgan fitna va qiynoqlar misolida butun boshli millatning chekkan dard-u, alam iztiroblari yoritilgandir.

Fransuz adibi Sharl Loran qalamiga mansub “Napoleonzoda” romani oʼz ichiga XIX asrning boshlari – Napoleon Frantsiyasi davrini olgan “Napoleonning josusi” asarining mantiqiy davomidir. Аsarda bayon qilingan asosiy voqealar bosh qahramon – Rim qiroli gersog Reyxshtadtskiy atrofida aylanadi. Gersog Reyxshtadtskiy asli buyuk fransuz sarkardasi Napoleon Bonapartning oʼgʼli – Jozef Fransua Sharl Bonapart. Otasining ayanchli taqdiri oʼgʼilning hayotiga ham soya soldiki, onasidan ayro yashagan, oʼz bobosi qoʼlida tutqun boʼlgan Napoleonzoda 21 yoshida sil kasalligidan vafot etadi...

Kitobxon romanni mutolaa qilar ekan, XIX asr boshlaridagi ikki qirollik oliy nasab kishilar, tugʼishganlar oʼrtasidagi adovat, shaxsiy gʼarazlar buyuk insonlar hayotining qanchalar ayanchli boʼlganiga guvoh boʼladi.