Yozuvchi Grigoriy Petrov Yevropa bo‘ylab sayohat qilib, turli xalqlar hayotini o‘rganadi. Uning mashhur kitoblaridan biri “Oq nilufarlar yurtida” 600 yil mustamlakachilikda yashagan fin xalqining qanday oyoqqa turgani haqida hikoya qiladi. Yozuvchi 1900 yillarda Finlandiyaga qilgan sayohatlari davomida o‘zini anglayotgan, hayotini yaxshilashga urinayotgan finlar bilan suhbatda bo‘lgan. Uzoq yillar Shvetsiya va Rossiyaning qarami bo‘lgan Finlandiya 1917 yilda o‘z mustaqilligini e’lon qiladi. Kitobda shu davrgacha bo‘lgan hayot haqida so‘z boradi. Asarda odamlar hayotini yaxshilashga bel bog‘lagan qahramonlar va ular tutgan yo‘llar haqida bayon qilinadi.

Amerikalik professor Charlz Uilanning navbatdagi dunyoga mashhur asari "Yalang'och iqtisodiyot. Murakkab sohaning sodda qiyofasi". 

Ushbu risolada Imom A’zamning shogirdi Abdulloh ibn Muborakning tijorat bilan bog‘liq faoliyatib halolligi, taqvosi va o‘gitlari yoritib berilgan. Risolani o‘qigan har bir kitobxon Abdulloh timsolida savdo-sotiq ishlarida rostgo‘y va diyonatli bir kishining siymosi bilan yuzlashadi hamda o‘ziga tegishli xulosa chiqaradi degan umiddamiz.

Risolada quyidagi jihatlarga jiddiy e’tibor qaratilgan:

- Savdoda halol bo‘lmoq;

- o‘z vaqtida sotilgan molni qaytarib berish yoki qaytarib olishni bilish;

- birovning molini zo‘ravonlik bilan tortib olish;

- agar molga xarom aralashgan bo‘lsa, uning chorasini ko‘rish;

- savdoda yolg‘on qasam ichishdan ehtiyot bo‘lish kerak;

- nimani sotish joyizu, nimani sotish xarom ekanini bilmoq lozim;

- ribo(sudxo‘rlik)dan saqlanish lozim;

- tarozidan urib qolishdan ehtiyot bo‘lish;

- "najsh" qilmaslik - tovar(mahsulot)ning bahosini sun’iy ko‘tarish.

Jorj Oruellning ushbu romani ilk bora o‘zbek tiliga tarjima qilinib kitobxonlar e’tiboriga yetkazilmoqda. "1984" romani "BBS talqinidagi eng yaxshi 200 ta kitob" ro‘yxatida sakkizinchi o‘rinni, Newsweek tomonidan insoniyat tarixidagi eng yaxshi kitoblar reytingida 2-o‘rinni egallagan. 2017 yilda ushbu kitob AQSHda eng ko‘p sotilgan kitob hisoblanadi. Asarning bunchalar shuhrat qozonishiga sabablarni kitobni o‘qish mobaynida bilib olishingiz mumkin.

Kitob pul sizga ishlashi, siz pulga ishlamasligingiz uchun nima qilish kerakligini tushunishga yordam beradi.

Mashhur frantsuz inqilobchisi Dantonning «Inqilob oʼz farzandlarini Saturn xudosi kabi yeb bitiradi» degan iborasi ham asara oʼz aksini topgan. «Molxona» Rossiyada boʼlib oʼtgan 1917 yilgi inqilobga va SSSRdagi tuzumga nisbatan allegoriya shaklida yozilgan. Oruell bu asarini 1943 yil noyabrь oyidan 1944 yil fevraligacha yozib tugatgan.

Har bir tadbirkor, rahbar va menejer o‘qishi shart bo‘lgan kitoblar bor. Ulardan biri «Moviy ummon strategiyasi. Raqobatchilarsiz bozorni topish yoki yaratish strategiyalari» kitobi hisoblanadi.

“Zappos” onlayn savdo kompaniyasini o‘zining korporativ madaniyati, qadriyatlari bilan noyob kompaniyalardan biri sanaladi, ayni shu xususiyatlari tufayli u yuqori sur’atda o‘sdi. “Zappos” “Fortune” jurnalining 2009 yilda e’lon qilgan “Ishlash uchun eng yaxshi kompaniyalar” ro‘yxatidagi debyutini yuqori reyting bilan boshladi. Xuddi shu yili uni «Amazon”  1,2 milliard dollardan ortiqqa sotib oldi.

Dunyoning yuzlab mamlakatlarida minglab marta millionlab adadlarda nashr etilgan bu avtobiografik kitobni XX asrning buyuk menejerlaridan biri, ishlab chiqarishda oqim-konveyer yo‘lini joriy etgan, AQSH avtomobil sanoatining “otasi”, milliarder Henri Ford yozgan.